20 июля в Богоявленском соборе чтили память преподобной Евфросинии Московской, и звучал тропарь: «По земне́м вдовстве́ Небе́сному Жениху́ себе́ уневе́стивши и в кня́жестем чеpто́зе подви́жнически пожи́вши, по́слежде и чеpто́г, и чад твои́х Бо́га pа́ди оста́вила еси́, пpеподо́бная Евфpоси́ние, и вше́дши во оби́тель, тобо́ю созда́нную, во и́ночестем о́бpазе мно́ги по́двиги показа́ла еси́, и свято́е твое́ житие́ по благода́ти Бо́жией блаже́нною кончи́ною увеча́ла еси́. И ны́не, пpедстоя́щи Хpисту́ Бо́гу, моли́ спасти́ся душа́м на́шим».

19 июля в Богоявленском соборе чтили Радонежских святых, и звучал тропарь : «Днесь светло празднуем, вернии людие, преславныя Троицкия обители торжество: се бо велий собор святых чудотворцев Радонежских, яко дивныя птицы небесныя, являет нам Церковь Российская, стезями честнаго их жития шествовати всех призывающи, к нимже, с верою и любовию притекающе, воззовем: молитеся о нас ко Пресвятей Троице, преподобный отцы наши с Богоносным аввою Сергием, мир мирови даровати и душам нашим велия милости».

18 июля в Богоявленском соборе на Божественной литургии чтили память преподобномучениц великой княгини Елизаветы и инокини Варвары, и звучал тропарь «От славы царственныя, вземши крест Христов, прешла еси к славе небесней, молящися за врагов, и обрела еси радость вечную, святая мученице княгине Елисавето, с Варварою мученицею. Темже молите о душах наших».

17 июля в Богоявленском соборе на Божественной литургии чтили память святых Царственных страстотерпцев, и звучал тропарь : «Ангели земли Российския, и воскресения ея путеводителие, Царю Николае и Царице Александро, начавшемуся богоотступлению, Державою благоверне правившии, и юныя Великия Княжны, в трудех и милосердии добре подвизавшияся, и Царевичу- страдальче Алексие, -Царственнии страстотерпцы, яко агнцы незлобивии, от безбожных губителей Руси мучимии и закланнии, ныне же царство вечное приимшии, молитеся небесному Царю Царей о Державе сродников ваших, просветитися ей верою отцев и покаянием паки возродитися».

15 июля в Богоявленском соборе праздновалось положение Честной ризы Пресвятой Богородицы во Влахерне,и звучал тропарь : «Богородице Приснодево, человеков покрове, ризу и пояс пречистаго Твоего телесе, державное граду Твоему обложение даровала еси, безсеменным рождеством Твоим нетленна пребывающи, о Тебе бо и естество обновляется и время. Темже молим Тя мир граду Твоему даровати и душам нашим велию милость».

14 июля в Богоявленском соборе чтили память святых бессребреников Космы и Дамиана Римских, звучал тропарь : «Святи́и безсре́бреницы и чудотво́рцы Косьмо́ и Дамиа́не, посети́те не́мощи на́ша: ту́не прия́сте, ту́не дади́те нам».

13 июля в Богоявленском соборе чтили святых славных и всехвальных 12-ти Апостолов, звучал тропарь : «Апостолов первопрестольницы и вселенныя учителие, Владыку всех молите/ мир вселенней даровати и душам нашим велию милость».

12 июля в Богоявленском соборе на Божественной литургии вспоминали первоверховных апостолов Петра и Павла и звучал тропарь : «Апостолов первопрестольницы, и вселенныя учителие, Владыку всех молите мир вселенней даровати и душам нашим велию милость».

11 июля в Богоявленском соборе на Божественной литургии славили преподобных Сергия и Германа, Валаамских чудотворцев, и звучал тропарь : «Евангелия Христова истиннии послушницы явистеся, преподобнии, мир и вся, яже в нем, яко не сущая, преобидевше любве ради Христовы, и в морский остров вселистеся, и трудолюбно в нем противу козней невидимых врагов подвизастеся, постом, бдением же и всенощным стоянием плоти своя духу мудре повинули есте. Сего ради от Вседержительныя десницы достойныя венцы прияли есте, и ныне Пресвятей Троице предстояще, молитеся, всеблаженнии отцы Сергие и Германе, сохранитися в мире отечеству нашему и спастися душам нашим».

11 июля в Богоявленском соборе чтили Матерь Божию в образе Её, именуемом «Троеручица», и звучал тропарь : «Яко звезда светозаряющая, из Сербии на Афон чудесно прииде всечестная икона Твоя Троеручица, юже обитель Хиландарская благоговейно восприемши, яко Божественный дар свыше, прославляет Тя, Владычицу».